जेन–जी पुस्ताले उठाएका रोजगारी, सुशासन, पारदर्शिता र अवसरसम्बन्धी प्रश्नहरूलाई शालीनता र स्पष्टतासहित सम्बोधन गर्दै ज्ञानेन्द्र बहादुर कार्की, सुनसरी क्षेत्र नं.–४ का प्रतिनिधि सभा सदस्य उम्मेदवार, युवामाझ प्रत्यक्ष संवादमा सक्रिय देखिनुभएको छ।
उहाँले नयाँ पुस्ताको जिज्ञासा र आलोचनालाई सकारात्मक रूपमा लिँदै नीति निर्माणदेखि कार्यान्वयनसम्मको आफ्नो प्रतिबद्धता प्रष्ट पार्नुभएको छ। “प्रश्न उठाउनु लोकतन्त्रको सुन्दर अभ्यास हो, जवाफ दिनु हाम्रो कर्तव्य,” भन्दै उहाँले जेन–जी पुस्ताको ऊर्जा र सहभागितालाई राष्ट्र निर्माणको महत्वपूर्ण आधारका रूपमा व्याख्या गर्नुभयो।
सुनसरी–४ को समृद्धि र दीर्घकालीन विकासका लागि युवासँग सहकार्य अपरिहार्य रहेको उल्लेख गर्दै उहाँले पारदर्शी, उत्तरदायी र परिणाममुखी नेतृत्व दिने प्रतिबद्धता दोहोर्याउनुभएको छ।
