विराटनगर । पूर्वाञ्चल क्षेत्रको चर्चित पत्रिका उद्घोष दैनिकले आफ्नो २१औं वार्षिकोत्सवको अवसरमा विराटनगरमा आयोजना गरेको विशेष समारोहमा उद्योगी महेश जाजुलाई उत्कृष्ट विज्ञापनदाताको सम्मान प्रदान गरेको छ ।
कार्यक्रमका प्रमुख अतिथि, पूर्वराष्ट्रपति विद्यादेवी भण्डारीले जाजुलाई प्रशस्तिपत्र र दोसल्ला अर्पण गर्दै सम्मान गर्नुभयो । भण्डारीले आफ्नो मन्तव्यमा विज्ञापन, उद्योग र सञ्चारबीचको सहकार्यलाई दीगो विकासका लागि अपरिहार्य भएको बताउँदै, “उद्योगी तथा व्यवसायीहरूले मिडियासँगको सहकार्यलाई निरन्तरता दिनुपर्छ, यसले समाज र अर्थतन्त्रलाई मजबुत बनाउन ठूलो योगदान पुर्याउँछ,” भन्नुभयो । जाजु र सारडा ग्रुपको संयुक्त लगानीमा चाउचाउ, बिस्कुट, चक्लेट, जुसलगायतका खाद्य सामग्री उत्पादन हुँदै आएको छ ।
