दुहबी, फागुन सुनसरीको दुहबीमा आजदेखि सुरु भएको एघारौं भलुवा अन्तर्राष्ट्रिय आमन्त्रण गोल्डकप फुटबल प्रतियोगिताको उद्घाटन खेलमा मेमोरी युवा क्लब दुहबी सेमिफाइनलमा प्रवेश गरेको छ।
उद्घाटन खेलमा मेमोरी युवा क्लब दुहबीले सहलेश युवा क्लब सिराहा लाई २–१ गोल अन्तरले पराजित गर्दै अन्तिम चारमा स्थान सुरक्षित गरेको हो। प्रतिस्पर्धात्मक खेलमा मेमोरी युवा क्लबका खेलाडी श्याम मुरमु उत्कृष्ट खेलाडी घोषित भए।
उत्कृष्ट खेलाडी मुरमुलाई उद्घाटन समारोहका प्रमुख अतिथि तथा बेदनारायण गच्छदार ले नगद ५ हजार रुपैयाँसहित मेडल प्रदान गरे।
प्रतियोगिताअन्तर्गत सोमबार दोस्रो खेल आयोजक गोल्डेन स्टार युथ क्लब भलुवा र आरआईएफसी काठमाडौं बीच हुने आयोजकले जनाएको छ।
कार्यक्रमलाई सम्बोधन गर्दै नगर प्रमुख गच्छदारले दुहबी नगरपालिकाले खेलकुद क्षेत्रमा ठूलो लगानी गर्दै आएको उल्लेख गर्दै व्यावसायिक खेलाडी उत्पादन गर्ने लक्ष्य रहेको बताए।
