काठमाडौं। नेपालकै अग्रणी खाद्य कम्पनी एशियन थाई फुड्सले आइतबार ‘डेभिल्स हट चिकेन नुडल्स’ सार्वजनिक गरेको छ। मसालेदार र अनौठो स्वाद अनुभव गराउने उद्देश्यले ल्याइएको यो नुडल्स कम्पनीको नवीनतम प्रस्तुति हो।
२५ वर्षभन्दा बढीको इतिहास बोकेको कम्पनीले हालसम्म ३० भन्दा बढी देशमा आफ्ना उत्पादन निर्यात गर्दै आएको छ। विगत पाँच वर्षयता नुडल्स निर्यातमा अग्रस्थान कायम राख्दै आएको एशियन थाई फुड्सले यो नयाँ उत्पादनमार्फत उपभोक्तालाई फरक अनुभव दिने विश्वास व्यक्त गरेको छ।
“नेपालकै सबैभन्दा मिठो स्वाद, यो डेभिलीसिअस छ” भन्ने आकर्षक ट्यागलाइनसहित बजारमा आएको यो नुडल्स सन्तुलित मसालाको मिश्रण र तीव्र स्वादका कारण मसालेदार खानेकुरा मन पराउने सबैका लागि उपयुक्त हुने कम्पनीले जनाएको छ।
निर्देशक आशिष जाजुका अनुसार, “यो उत्पादनले मसालेदार स्वादप्रेमीलाई नयाँ स्तरको अनुभव दिनेछ।”
मूल्य र उपलब्धता
डेभिल्स हट चिकेन नुडल्सको मूल्य प्रतिप्याकेट ५० रुपैयाँ तोकिएको छ। पाँच प्याकेटको फ्यामिली प्याक २५० रुपैयाँमा उपलब्ध हुनेछ। साथै, प्रत्येक प्याकमा चकलेट वेफरसमेत राखिएको छ, जसले मसालेदार स्वादपछि मिठासको अद्वितीय अनुभव दिने कम्पनीले जनाएको छ।
उत्पादन देशभरका प्रमुख खुद्रा पसलहरू जस्तै भाटभटेनी सुपरमार्केट तथा अनलाइन प्लेटफर्म दराजमार्फत उपलब्ध हुनेछ।
एशियन थाई फुड्सले दशकौँदेखि उच्च गुणस्तर र प्रामाणिक एसियाली खानाका उत्पादनहरू प्रदान गर्दै आएको छ। कम्पनीले भविष्यमा पनि नवप्रवर्तन र गुणस्तरलाई प्राथमिकतामा राख्ने प्रतिबद्धता जनाएको छ।
