ललितपुर, ४ भदौ २०८२ ।
नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले निर्वाण मानसिक स्वास्थ्य केन्द्र, एकान्तकुनामा उपचाररत खुम बहादुर बिकलाई आर्थिक सहयोग गर्नुभएको छ।
बुधबार माओवादी केन्द्र म्याग्दी–काठमाडौं सम्पर्क मञ्चको संयोजनमा अध्यक्ष प्रचण्ड स्वयं स्वास्थ्य केन्द्र पुगेर बिकलाई अक्षेरूपी दुई लाख रुपैयाँको चेक हस्तान्तरण गर्नुभयो।
जनमुक्ति सेनामा सक्रिय रहिसकेका बिकले करिब चार वर्ष उपचारपछि स्वास्थ्यलाभ गर्दै घर फर्किने तयारी गर्नुभएको छ।
सो अवसरमा अध्यक्ष प्रचण्डले मानसिक स्वास्थ्य समस्याबाट पीडित नागरिकलाई उपचार सुविधा उपलब्ध गराउँदै आएको निर्वाण मानसिक स्वास्थ्य केन्द्रलाई धन्यवाद ज्ञापन गर्दै यस संस्थालाई सक्दो सहयोग गर्ने प्रतिबद्धता समेत व्यक्त गर्नुभयो।
